Telemark folkemusikklag er eit fylkesledd for 16 lokale folkemusikklag i Telemark som til saman har om lag 450 medlemmer. Fylkeslaget er ein felles møteplass for dei organiserte folkemusikkaktivitetane i fylket og initierer regionale aktivitetar i form for kurs og fylkeskappleik. 

For born og unge driv fylkeslaget rekrutteringskurset UngFolk (8-17 år), og saman med Sørnorsk Folkemusikksenter og Midt-Telemark kulturskule eit fordjupingskurs i folkemusikk og folkedans (13-20).