UNGFOLK

5. - 9. august 2025

Kva er UngFolk?

UngFolk er Telemark Folkemusikklag sitt rekrutteringskurs for born og unge mellom 8 og 17 år. Kurset blir haldt årleg over fem dagar i august fylt med spel, dans og song med hjelp av dyktige instruktørar. UngFolk vert avslutta med ei framsyning på Telemarkfestivalen i Bø som vert arrangert på same tid.

Det blir lagt stor vekt på sosialt samvær og aktivitetar slik at deltakarane kan knytte folkemusikken opp mot eit sosialt nettverk, gjerne på tvers av kommune- og fylkesgrenser.

5. - 9. august

på Lifjell i Bø

Påmeldinga er open!

Meld deg på til ungfolk@gmail.com

merk med namn, alder, kurs og eventuell erfaring :)

Kursavgifta er 2000 kroner, 500 kroner syskenmoderasjon

Hels på årets instruktørar!

KVEDING: Lars

Lars Fivelstad Smaaberg frå Gol er årets instruktør på kveding. Hans unike og klangfulle stemme emnar å formidle spanande soger, humoristiske viser og mjuke folketonar. På landskappleiken i 2024 rykka Lars opp til A-klassa i vokal! Lars er ein erfaren instruktør som sprer mykje glede. Også han har utdanning i folkemusikk frå USN Rauland.

HARDINGFELE: Svein og Sunniva

Svein Laingen Kjerland kjem frå Granvin, og har budd fleire år i Telemark då han studerte folkemusikk på Rauland. Til dagleg jobbar han som distriktsmusikar og kulturskulelærar i Ullensvang .

Sunniva Langås-Røiland kjem frå Bø. Ho kjenner UngFolk godt, både som tidlegare deltakar og instruktør. For tida studerar ho bachelor i utøvande folkemusikk på Norges Musikkhøgskole.

DANS: Birgit og Even

Birgit Haukås frå Tinn er ein aktiv utøvar innan både folkedans og hardingfele. Ho har mykje erfaring, med bakgrunn som kulturskulelærar, kurshaldar i inn- og utland og som tidlegare UngFolk- instruktør. Birgit har studert årsstudium i instrumentmaking, bachelor i folkemusikk og master i tradisjonskunst ved USN Rauland. Under fjorårets landskappleik rykka ho opp til A-klassa i pardans!

Med seg som danseinstruktør har ho Even Westeng frå Gransherad. Har du vore på UngFolk før, kjenner du han kanskje som tidlegare instruktør og kursleiar? Even er ein allsidig utøvar – kanskje vil han lære bort litt hallingdans i løpet av veka også? Også her har me ein A-klassing :)

Praktisk info

Kurset går føre seg på Jønnbu på Lifjell, 15 minuttar med bil frå Bø sentrum. Både kurs, sosialt, overnatting og måltider skjer her. Friviljuge hjelper oss kjøre alle frå Jønnbu til Bø for å sjå opningskonserten på Telemarkfestivalen fredag, og halde avslutningskonserten laurdag.

Det er alltid sovande nattevakt tilgjengeleg, samt vakt med livreddarbevis om det blir bading. Det er nulltoleranse for alkohol både for deltakarar og instruktørane denne veka.

Før kurs får deltakarane tilsendt ordensreglement, pakkeliste og spørsmål om foto, allergi og eventuell anna info.

Hels på Andrea og Symre!

Andrea er ein langeleikspelar og folkedansar frå Gol i Hallingdal.

Ho har bachelor i folkemusikk frå USN campus Rauland samt årstudium i kulturleiing frå OsloMet.

I tillegg til å vere instruktør og utøvande musikar er ho prosjektkoordinator for prosjekt Tradisjonskultur Hallingdal i Ål kommune.

Symre er ein gitarist, songar og hardingfelespelar frå Morgedal i Vest-Telemark.

Ho har bachelor i utøvande musikk frå jazzlina i Bergen og Norges Musikkhøgskole i Oslo.

I tillegg til å vere utøvande musikar er ho skribent i Vest-Telemark Blad og Jazznytt.

Page updated

Google Sites

Report abuse