ÅRETS INSTRUKTØRAR! 

Åsmund Arnesen Farstad

Åsmund frå Volda skal halde kurs i hardingfele. Åsmund har røter og hjartet i den tradisjonelle musikken frå Nordvestlandet med Sunnmøre og Nordfjord som sine kjærneområder. Han er A-klassespelemann på både vanleg fele og hardingfele! Åsmund studerer for tida utøvande folkemusikk ved Noregs musikkhøgskule og bur i Oslo. 

Sunniva Langås-Røiland

Sunniva frå Bø skal halde kurs i hardingfele. Ho er sterkt forankra i tradisjonelt slåttespel frå Telemark. Sunniva kjenner UngFolk godt, både som elev og instruktør. For tida studerer ho utøvande folkemusikk ved Norges musikkhøgskole. Ved sidan av studiene arbeider ho frilans som utøvar, pedagog og journalist.

Signe Dorthea Krohn Gjessing

Signe frå Oslo skal halde kurs i kveding! Ho har lært av mange ulike utøvarar landet rundt, både i levande live og frå opptak. Signe arbeider til dagleg med både folkesong, skodespel og folkedans, og er utdanna folkesongar frå Norges musikkhøgskule. Me er sikre på at kvedargruppa kjem til å ha det veldig kjekt med Signe!

Jon Inge Særsland 

Jon Inge frå Notodden skal halde kurs i folkedans! Jon Inge er ein allsidig utøvar som både dansar pardans, halling og spelar munnharpe. Han har eit langt engasjement bak seg innan spel og dans, både lokalt- og på fylkesplan - ein framifrå ambassadør for folkemusikken og folkedans i Telemark!

Thea Myrjord Nordheim

Thea frå Bø skal halde kurs i folkedans! Thea har sjølv delteke på UngFolk i mange år, og kjenner i tillegg kurset som instruktør. For tida studerar ho folkedans på Universitetet i Sørøst-Noreg, campus Rauland. Thea har god erfaring som pedagog og sprer danseglede til alle rundt seg!