Vedtekter for Telemark folkemusikklag
Revidert på årsmøtet 07. oktober 2020
§ 1. Telemark folkemusikklag, stifta 1952, er ein samskipnad av lag som vil arbeide for
telemarkstradisjonen innan norsk folkemusikk og -dans.
§ 2. TFL skal:
Samordne og leggja til rette for arbeidet i lokallaga
Drive opplærings- og kursverksemd, skipe til kappleikar og konsertar åleine eller i samarbeid med
lokallaga og andre organisasjonar.
Representere folkemusikkinteressa andsynes fylkeskommunale styresmakter
Sørge for rekruttering og opplæring av kappleiksdommarar i området
§ 3. Medlemskap og tilknyting.
TFL er regionlag av Folkorg. (organisasjon for folkemusikk og folkedans) Folkorg krev inn samla
kontingent for alle einskildmedlemmer og refunderer fylkeslaget sin del av kontingenten. TFL er
medlem i paraplyorganisasjonen Telemark kulturnettverk. TFL er også medlem i Sørnorsk
folkemusikksenter med fast styreplass. Nynorsk skal nyttast i lover og reglar, elles står den einskilde
tillitsvalde fritt i målval.
§ 4. Årsmøtet/Representantskapsmøte
Årsmøtet skal haldast innan utgangen av april, minst to veker før landsmøtet i Folkorg. Alle
medlemslaga kan stille på årsmøtet med 2 representantar med fulle rettar. Lokallaga skal ha melding
om tidspunkt for årsmøtet minst 4 veker før møtet. Framlegg til saker som skal opp på årsmøtet til
avgjerd, må sendast styret seinast 2 veker før årsmøtet. Sakspapir til årsmøtet skal sendast ut 1 veke
før møtet. Alle saker som ikkje gjeld oppløysing eller lovendring, vert avgjorde ved vanleg fleirtal. Ved
likt røystetal veg leiars røyst dobbelt.
Årsmøtet skal:
1. Velje møteleiar, skrivar og to til å skrive under møteboka.
2. Handsame styret sitt framlegg til årsmelding, rekneskap for siste kalendarår, arbeidsprogram
og budsjett for komande år.
3. Fastsetje årspengar.
4. Velje styre m/varafolk, revisor, valnemnd og utsendingar til landmøtet i folkorg.
5. Handsame andre saker som er meldt inn av styret eller lokallaga innan fastsett frist.
Representantskapsmøte/ folkemusikkforum
I starten av nytt skuleår vert det halde eit representantskapsmøte som planlegg komande skuleår og
tar opp tema som er aktuelle og som er av interesse for heile folkemusikkfeltet. Styret kallar inn/
inviterer aktørar til møtet etter behov og ønskje.
§ 5. Styret
Styret skal:
-Leie TFL i valperioden
-Setje i verk tiltak gjort av årsmøtet og/eller representantskapet
-Tilsette og engasjere personar etter behov innanfor vedtatte økonomiske rammer.
-Opprette utval etter behov.
-Oppnemne medlemmer i utval/organ
-Utarbeide dokument til årsmøtet i tråd med vedtekter
§ 6. Val
Årsmøtet vel eit styre på 3 personar og 2 varapresentantar. Leiaren vert vald ved særskild val for 1 år
om gongen. Det skal veljast 1 revisor og ei valnemnd på 2 personar. Alle funksjonar vert valde for 2
år om gongen slik at ein er på val kvart år. Styret vel seg i mellom nestleiar og andre funksjonar det
finn naudsynt. Alle val skal vera skriftleg om nokon krev det.
§ 7. Oppløysing.
Nedlegging av TFL krev 2/3 fleirtal av dei frammøtte.
Dersom TFL vert oppløyst skal verdiane overførast til Folkorg og nyttast til beste for TFL`s føremål i
Telemark